Aarav aur mai college ke dino se sath rahe. Humari mulakat ek science project presentation ke dauran hui. Wo bhi class topper banna chahta tha, aur mai bhi peeche hatne ko ready nahi thi. Bas fir kya tha, ho gayi ek takkar bhari shuruat. Kabhi wo class mei first aata, to kisi semester mei mai usse aage rehti. Isi beech anjaane hi ek dosti start ho chuki thi hamare beech. College khatam hote hote kab dosti pyaar mei badal gayi pata hi nahi chala. Jahan kabhi ek doosre se jeetne ki zidd hoti thi, wahin ab ek doosre ko jeetne ke liye support karne lage the hum. Farewell vala din tha wo jab Aarav ne campus ke beecho beech mujhe propose kar daala tha.

"Lifetime sath chalna chahta hu, tumhare nakhre uthana chahta hu, tumhari wishes tumhare desires sab poora karna chahta hu. Will you be mine, Diksha?"